Social Justice Special Assistance Department

व्यसनमुक्तीबद्दल समाजात व्यापक जागृती व्हावी, या विषयावर मोठ्या प्रमाणात साहित्याची निर्मिती व्हावी, या उद्देशाने व्यसनमुक्ती साहित्य संमेलनाची कल्पना सामाजिक न्यायमंत्री शिवाजीराव मोघे यांनी मांडली आहे. पुणे आणि नागपुरात ही संमेलने आयोजित होणार असून, याबाबतचा प्रस्ताव सामाजिक न्याय विभागाकडून तयार होत आहे.

आता २७ मार्चपर्यंत विद्यार्थ्यांना फॉर्म भरता येणार

मागासवर्गीय विद्यार्थ्यांसाठी सुरू करण्यात आलेल्या 'ई-स्कॉलरशिप' योजनेस मुदतवाढ देण्याचा महत्त्वपूर्ण निर्णय समाजकल्याण खात्याने घेतला आहे. यामुळे २७ मार्चपर्यंत विद्यार्थ्यांना ऑनलाइन फॉर्म भरता येणार आहेत.

मागासवगीर्य विद्यार्थ्यांना शिक्षण घेताना अडचणी येऊ नये यासाठी राज्य सरकारने ई-स्कॉलरशिप योजना सुरू केली आहे. या योजनेमुळे स्कॉलरशिपची रक्कम थेट संबधित विद्यार्थ्याच्या खात्यात, तर शिक्षण फी, परीक्षा फी आणि कॉलेजची इतर फी संबधित कॉलेजच्या खात्यात जमा होते. दहावीच्या पुढे शिक्षण घेणाऱ्या आणि ऑनलाइन पद्धतीने फॉर्म भरणाऱ्या मागासवगीर्य विद्यार्थ्यांनाच या स्कॉलरशिपचा फायदा मिळणार आहे. ई-स्कॉलरशिपचे फॉर्म भरण्याची अंतिम मुदत १५ फेब्रुवारीपर्यंत देण्यात आली होती. मात्र, अनेक विद्यार्थ्यांचे हे फॉर्म भरण्याचे राहून गेल्याने कॉलेज आणि विविध संघटनांनी मुदतवाढीची मागणी केली होती.

टेक सॅटर्डे उपक्रमातंर्गत श्री. उदय कुर्डूकर सहाय्यक यांच्या बेस्ट टेक संकल्पनेला प्रथम पारितोषिक

माहिती तंत्रज्ञान संचालनालयाने आयोजित केलेल्या टेक सॅटर्डे उपक्रमातंर्गत झालेल्या स्पर्धेत श्री. उदय कूर्डूकर यांनी सादर केलेल्या संकल्पनेला बेस्ट टेक संक्ल्पना म्हणून प्रथम पारितोषिक देण्यात आले. त्यांचा माहिती तंत्रज्ञान सचिव श्री. राजेश अग्रवाल यांच्य़ा हस्ते रोख पारितोषिक देऊन गौरव करण्यात आला.