Social Justice Special Assistance Department

मुला-मुलींचा विवाह करायचा असला तर पहिल्यांदा जात अन्‌ नोकरी पाहिली जाते. मग, त्याच्या स्थावर, जंगम मालमत्तेचीही तपासणी होते. त्यामुळेच अनेक प्रेमवीर विवाहावेळी "जाती'साठी "माती' खातात. परंतु, गेल्या वर्षी जिल्ह्यातील 88 जोडपी "जाती'ला "माती' चारून विवाहबद्ध झाले आहेत. याची दखल घेऊन त्यांना 42 लाख रुपये प्रोत्साहनपर अनुदान समाजकल्याण विभागाने दिले आहे.

समाज कल्याण आयुक्तालयाच्या माध्यमातून समाजातील सर्व प्रवर्गातील घटकांना स्वावलंबी व सक्षम बनविण्यासाठी विविध उपक्रम राबविले जात असून, त्याचाच एक भाग म्हणून 'जॉब फेअर'च्या माध्यमातून शासकीय क्षेत्राप्रमाणेच खासगी, औद्योगिक क्षेत्रातही नोकरीच्या संधी उपलब्ध करून दिल्या जात असल्याचे समाज कल्याण आयुक्त बाजीराव जाधव यांनी सांगितले.

शरीराने धडधाकट असलेल्या; परंतु बनावट अपंगत्वाच्या प्रमाणपत्रावर अपंगांचे लाभ घेणाऱ्यांना आता लगाम बसणार आहे. राज्याच्या अपंगकल्याण विभागाच्या वतीने ऑनलाइन पद्धतीने अपंगत्वाचे प्रमाणपत्र देण्याचे काम हाती घेण्यात आले आहे. त्यासाठी खास "सदारेम' नावाचे सॉफ्टवेअर तयार केल्याची माहिती राज्याचे अपंग कल्याण आयुक्त बाजीराव जाधव यांनी दिली.