अत्याचारास बळी ठरलेल्या अनुसूचित जाती, जमातीच्या कुटुंबातील सदस्यांना आर्थिक सहाय्य देण्याची योजना

शासन निर्णय

शासन निर्णय क्रमांक: युटीए-१०९५/प्र.क्र. १६९/मावक-२, दिनांक २४ सप्टेंबर, १९९७

उद्देश

जातीयतेच्या कारणावरून अत्याचाराला बळी पडलेल्या अनुसूचित जाती, अनुसूचित जमातीच्या कुटुंबातील सदस्यांना अर्थ सहाय्य देऊन त्यांचे पुनर्वसन करण्यात येते.

स्वरूप

गुन्ह्याच्या स्वरूपावरून रु. २५ हजार ते महत्तम रु. २ लाखापर्यंत अर्थसहाय्य मंजूर करण्यात येते.

अटी व शर्ती

अत्याचार झालेली व्यक्ती अनुसूचित जाती, जमातीची असणे आवश्यक आहे.
अत्याचार करणारी व्यक्ती सवर्ण म्हणजे अनुसूचित जाती, जमाती सोडून इतर समाजातील असणे आवश्यक आहे.
जातीयतेच्या कारणावरून गुन्हा घडणे आवश्यक आहे.
नागरी हक्क संरक्षण अधिनियम १९५५ व अनुसूचित जाती, जमाती (अत्याचार प्रतिबंधक) अधिनियम १९८९ व त्यामधील नियम १९९५ अन्वये अस्पृश्यता पाळणे व ती पाळण्यास उत्तेजन देणे हा गुन्हा समजण्यात आला असून त्या कारणास्तव गुन्हा दाखल होणे आवश्यक आहे.

संपर्क

संबंधित जिल्ह्याचे विशेष जिल्हा समाज कल्याण अधिकारी

माहिती पुस्तिका
अनुसूचित जाती/ जमाती अधिनियमन व नागरी हक्क संरक्षण अधिनियमन

Bookmark

Email this

Comments (0) Add Comment